Примената на ботулински токсин (ботокс) на дното на желудникот, е метод за слабеење базиран на инјектирање на ботулински токсин во одредени делови на желудникот, со помош на ендоскопска метода. Ботоксот помага да се забави варењето во желудникот, со што се обезбедува одложување на варењето на храната и на тој начин периодот на ситост станува подолг. Постапката трае околу 15-20 минути. Ботоксот во желудникот се аплицира ендоскопски без болка и гадење, со лесна седација. Главната предност на интервенцијата е тоа што не е хируршка процедура и пациентот веднаш се враќа на нормалното секојдневие. Бидејќи нема хируршки рез и нема конци, не е потребно постоперативно закрепнување. До денес, апликацијата на ботулински токсин нема познати опасни и несакани ефекти. Со оваа процедура, се очекува губиток од околу 10-15% од вкупната телесна тежина, во рок од 3-6 месеци.
Количината на изгубена телесна тежина варира од личност до личност, во зависност од возраста, стапката на базалниот метаболизам и физичката активност.

Интрагастричниот балон е силиконски медицински производ, кој има за цел да им помогне на лицата со прекумерна телесна тежина да ослабат без операција. Апликацијата на балонот во желудникот се врши ендоскопски, преку усната шуплина. Целта на поставувањето на желудечниот балон е делумно да се наполни желудникот, што помага да се создаде постојано чувство на ситост, дури и кога се консумира минимална количина на храна. Тоа е реверзибилна, минимално инвазивна и едноставна техника. Слабеењето со интрагастричен балон варира во зависност од моменталната тежина на пациентот, стапката на базалниот метаболизам, полот, возраста, метаболичките и хормоналните нарушувања, усогласеноста на исхраната со  физичката активност. Во просек, очекуваното губење на тежината е околу 20-30% од моменталната тежина. Придржувањето кон хигиенско-диететски режим и зголемена физичка активност, дополнително ќе помогнат да се постигнат подобри резултати.

Лапароскопската гастректомија (Gastric sleeve) е најчесто користена хируршка метода во борбата со вишокот на килограми. Таа е безбеден и високо ефективен хируршки метод за слабеење, кој им овозможува на лицата со прекумерна телесна тежина, трајно и здраво да го решат својот проблем. Интервенцијата се изведува лапароскопски, односно преку минимални хируршки резови, направени во горниот дел на абдоменот, се отстранува околу 80% од желудникот, а остатокот добива облик на цевка, како банана.

Просечното очекувано губење на тежината во рок од една година по интервенцијата е од 40% до 70%. Една од главните предности на оваа метода е тоа што не се прават промени на тенкото црево, храната го следи нормалниот дигестивен тракт и затоа е малку веројатно да има недостаток на витамини и минерали во постоперативниот период.

Гастричниот бајпас е комбинирана метода, која претставува лапароскопска хирургија во две фази. Интервенцијата „Гастричен бајпас“ е техника за  намалување на големината на желудникот, на два дела, со минимизирање на горниот дел од желудникот до „нов, мал желудник“  со капацитет од околу 30мл. Тој е изолиран од остатокот (долниот дел) од желудникот со помош на хируршки степлер.  Овој нов, мал желудник, се поврзува директно со дисталниот дел  од тенкото црево (јејунум)  со што се заобиколува дуоденумот. Остатокот (долниот дел) од желудникот не се одстранува, како што е кај процедурата лапароскопска гастректомија, но нема пристап на храна во него.  Гастричните сокови и ензими продолжуваат да се произведуваат од остатокот од желудникот за да го помогнат варењето и апсорпцијата на хранливите материи. На овој начин, консумираната храна го заобиколува најголемиот дел од желудникот и првиот дел од тенкото црево(дуоденум). Така, пациентот добива чувство на ситост, дури и кога консумира мала количина на храна, а во исто време, оваа помала количина на храна ја апсорбира тенкото црево.

Пациентите со гастричен бајпас обично губат две третини од нивната тежина во рок од 2 години. Како резултат на ова слабеење се постигнуваат позитивни резултати и во лекувањето на пациентите со дијабетес тип 2, постигнувајќи трајно решение на многу други болести предизвикани од вишокот килограми.

Метаболичката хирургија може да обезбеди контрола без лекови на неконтролиран дијабетес тип 2. Пациентите кои доаѓаат во нашата клиника со слични симптоми, добиваат мултидисциплинарен пристап. Првично се врши детален физички преглед и тестови од страна на нашите специјалисти по интерна медицина, за да се донесе одлука за хируршки третман на дијабетес тип 2.

Во случаите со високи нивоа на гликоза во крвта, кои не можат да се контролираат со диета и лекови, најсоодветната хируршка интервенција се избира помеѓу гастричен бајпас, транзитна бипартиција и интерпозиција на илеумот. По операцијата нашите пациенти се под директен надзор на тим од специјалисти: нутриционист, специјалист по интерна медицина и специјалист по општа хирургија.

Главните причини, кои доведуваат до прекумерна телесна тежина  се неправилните навики во исхраната, седентарен начин на живот и некои ендокрини заболувања, како што се хипотироидизам, синдром на Кушинг итн. Дебелината може да има негативно влијание врз квалитетот на животот на индивидуата, социјалниот живот и психичката состојба на личноста, како и да предизвика сериозни болести. Кај пациентите со прекумерна телесна тежина, драстично се зголемува ризикот од кардиоваскуларни заболувања, дијабетес тип 2, замастен црн дроб (хепатална стеатоза), заболувања на коските и зглобовите, а исто така и зголемен ризик од развој на онколошки заболувања. Во таа насока, познато е дека дебелината не е само проблем поврзан со естетскиот изглед, туку е состојба, која има сериозни последици по здравјето на човекот, а е еден од главните фактори за скратување на  животниот век.

Нехируршките методи за лекување на дебелината може да се класифицираат како строга диета,  поставување гастричен балон и гастричен ботокс.

Најчесто изведувани хируршки интервенции од областа на баријатриската и метаболичката хирургија се: Лапароскопска гастректомија „Gastric sleeve“, „Гастричен бајпас“ и „Транзитна бипартиција“. Соодветниот хируршки пристап се одредува индивидуално по евалуација на многу фактори како што се физичката состојба на пациентот, коморбидните (придружни) болести, начинот на живот итн.

Не може секој пациент со прекумерна тежина да се квалификува за операција. Овде одлучувачки фактор е индексот на телесна маса (ИТМ) и присуството на дополнителни болести како што е дијабетес тип 2.

Пред да се донесе конечна одлука за хируршка интервенција, пациентите се подложени на физички прегледи од специјалисти од различни гранки и детални лабораториски испитувања. Предоперативната подготовка вклучува консултации со специјалист по кардиологија, специјалист по интерна медицина, специјалист за градите, специјалист по психијатрија, специјалист за исхрана и диететика, заедно со детални тестови на крвта.

Доколку по овие прегледи и испитувања се процени дека пациентот ги исполнува потребните услови за хируршка интервенција, се врши и консултација со специјалист по анестезиологија и реанимација, а доколку нема утврдена здравствена состојба пред хируршка интервенција, интервенцијата  се извршува. Доколку при прегледите и испитувањата се утврди присуство на пречки од медицински аспект, пред да се изврши хируршката интервенција, прво се применува потребниот третман за отстранување на овие предуслови, а потоа, кога состојбата на пациентот ќе се стабилизира, се размислува за хируршка интервенција.

Времетраењето на хируршката интервенција варира во зависност од видот на планираната интервенција. На пример, интервенцијата „Лапароскопска гастректомија“ трае во просек околу 1-2 часа, „Гастричен бајпас“ трае 2-3 часа, а „Транзитна бипартиција“ трае во просек околу 3 часа. Стандардното очекувано време за хоспитализација и постоперативно следење во болнички услови е околу 4-5 дена. Иако пациентот се враќа во секојдневниот живот неколку дена по интервенцијата, за да се врати на својата работна позиција ќе биде потребно да има поминато најмалку 10-15 дена по операцијата.

Хируршките интервенции од областа на баријатриската хирургија се изведуваат под општа анестезија. Сите операции се вршат со исклучително внимание и прецизност од страна на нашите искусни специјалисти во областа на баријатриската хирургија.

Секоја фаза од операцијата бара максимално внимание. Одредувањето на правилниот хируршки пристап за пациентот е исто толку важно како и самата операција. Материјалите и уредите што ги користиме при хируршки интервенции се со највисок квалитет и ги задоволуваат светските стандарди за квалитет.

Главните грижи при оперативните интервенции се појавата на белодробни проблеми, тромбоемболија, хеморагии и формирање на ингвинални хернии. Кај пациентите кај кои е направена интервенцијата „Лапароскопска гастректомија“  главна грижа на пациентите е протекување од степлерот (местото на шиењето). Водечката светска статистика во медицинската литература покажува дека тоа е забележано во 2-4% од пациентите.

Примарно значење во постоперативниот процес е внесувањето на доволно количество течности, почитувањето на правилен начин на исхрана, како и следењето од специјалист за исхрана и диететика. Но, најважната точка во овој процес е одлучувањето за трајна промена на животниот стил во однос на навиките во исхраната и секојдневните активности. Вооченото зголемување на телесната тежина во следните години по операцијата главно се должи на нерационалната исхрана.

Многу често имаме пациенти од странство, особено од земји како Бугарија, Романија, Италија, Германија и Македонија, кои доаѓаат во нашиот центар за третман на дебелина и баријатриска хирургија. Во нашата болница имаме оддел за меѓународни пациенти, кој се состои од искусен тим на колеги-преведувачи кои успешно комуницираат со нашите странски пациенти и им ја обезбедуваат потребната поддршка во секоја фаза. Можам со сигурност да кажам дека нашите странски пациенти можат да бидат сигурни дека нема да имаат проблеми како јазична бариера во нашата болница и дека ќе се чувствуваат како домa.